Um okkur
Yara á Íslandi
Sláturfélag Suðurlands svf. er samvinnufélag í eigu búvöruframleiðenda og almennra hluthafa. Sláturfélagið var stofnað árið 1907, sjá nánari upplýsingar um SS.
SS hóf samstarf við Yara (áður Norsk Hydro) á árinu 1999 um innflutning á áburði. Það er stefna SS að bjóða bændum hágæða áburð á hagstæðu verði sem stuðlar að lækkun framleiðslukostnaðar og hreinleika afurða.
Yara leggur áherslu á að vinna með bændum við að þróa áburð sem uppfyllir ströngustu kröfur um gæði og umhverfisáhrif. Allur Yara áburður er einkorna.
Hjá Yara starfa um 18 þúsund starfsmenn um heim allan. Yara er með beina starfsemi í 60 löndum en Yara áburður er seldur mun víðar eða í 140 löndum. Nánari upplýsingar um Yara á heimasíðu.
Merki Yara er víkingaskipið sem fylgt hefur starfsemi félagsins frá stofnun en það hóf áburðarframleiðslu árið 1905. Í allri starfsemi Yara er lögð áhersla á að framleiðsla félagsins sé í sátt við umhverfið. Umhverfisstefna félagsins tekur mið af að öll framleiðsla hafi sem minnst áhrif á umhverfið og lífkeðjuna.
Franzefoss Minerals er leiðandi framleiðandi á kalki í Noregi. Franzefoss er fjölskyldufyrirtæki sem var stofnað árið 1919.
Stefna fyrirtækisins er byggð á áherslum á umhverfismál þar sem ábyrg nýting á auðlindum er höfð að leiðarljósi.
Fyrirtækið framleiðir kalk sem nýtt er til ýmissa verkefna, þar á meðal í landbúnaði. Dolomit Mg-kalkið frá Franzefoss hefur reynst vel til að hækka sýrustig og bæta frjósemi jarðvegs.